Slepp undan bíðirøð!

Fyri at sleppa undan longum bíðirøðum við inngongdirnar, mæla vit øllum til at fáa armbandið á, áðrenn Voxbotn byrjar.

Tað kanst tú gera við at fara í BankNordik í Klaksvík, Saltangará, Tvøroyri, Miðvági ella í
Havn frá mánadegnum 20. juni – sí niðanfyri.

Tú kanst eisini fara í Kunningarstovuna í Steinatúni í Havn frá fríggjadegnum 24. juni kl. 9.00. Á sjálvum degnum fæst armband í Kunningarstovuni í Steinatúni frá kl. 9.00 og til tiltakið endar.

LEGG TIl MERKIS: Hjá teimum, sum hava keypt á ebillett.fo, ber til at vísa kvittanina við QR-kotu á fartelefonini. Aldursprógv kann verða kravt, har ivamál eru um aldurin á børnum, sum hava keypt barnaatgongumerki. Eftirgjørd atgongumerki og onnur roynd at svika verður meldað til løgregluna
á staðnum.