top of page
LES
VOXBOTN
BLAÐIÐ HER
Bløðini verða ikki borin út longur, og tí verður eingin prenta útgáva av Voxbotn blaðnum í ár. Men tit skulu ikki snýtast ;) Vit hava í staðin gjørt eina talgilda útgávu, har tú kanst lesa meira um tónleikarar og fáa praktiska kunning um Voxbotn. Les blaðið við at skrolla víðari.
INNIHALDS-
YVIRLIT
VIT FARA Í
VÁGSBOTN
Á VOXBOTN
Vágsbotnur hevur altíð verið savningarstaður. Í gomlum døgum var tað miðdepil fyri handilslív, men í dag er Vágsbotnur í mestan mun miðdepil fyri mentanarlív.
Síðani 2012 hevur tónleikatiltakið Voxbotn savnað nógv fólk niðri í Vágsbotni.
Her er eitt sindur av hvørjum. Konsertir, bryggjudansur, matur, hugni, tónleikur og undirhald allan dagin og út á náttina. Her er okkurt til øll, ung og eldri. Voxbotn setur lív í Vágsbotn hesar tímarnar.
Tórshavnar kommuna roynir altíð at geva mentanarlívinum góðar umstøður. Tað hevur hepnast væl í Vágsbotni, og góðu umstøðurnar koma eisini veruliga til sín rætt, tá Voxbotn er. Trappan hevur roynst væl sum áskoðarapláss, og Vágsbotnur í sjálvum sær er vakur karmur um slík tiltøk.
Í Tórshavnar kommunu hava vit altíð nógv gott at bjóða vitjandi um summarið, og Voxbotn er eitt tiltak, ið setur dám á býin. Tað er við til at geva vitjandi og havnarborgarum góðar upplivingar og rík minni.
Sum borgarstjóri í Tórshavnar kommunu fegnist eg um, at vit eiga virkið fólk, ið skipa fyri, og eg fegnist um, at føroyingar og ferðafólk taka sær stundir at vitja okkara vakra høvuðsstað. Eg vóni, at øll fáa eina góða løtu við góðum tónleikaupplivingum.
Vegna Tórshavnar kommunu skal eg bjóða øllum at vera hjartaliga vælkomin í Vágsbotn til Voxbotn.
Heðin Mortensen
borgarstjóri
KORT YVIR ØKI
THE MINDS OF 99
Risabólkurin úr Keypmannahavn hevur játtað, at spæla á OY Voxbotn. Um tað er nøkur einstøk konsert, tú skalt upplivað í Føroyum á sumri í 2025, so hevur tú funnið hana. The Minds of 99 á OY Voxbotn verður nakað heilt serligt.
Frá Parkini til Vágsbotn. Sama hvar teir spæla, sama hvat teir gera, so fáa teir toppkarakter. Tað sum byrjaði við at nakrir vinmenn í Keypmannahavn gingu saman í ein tónleikabólk í 2012, menti seg skjótt til, at teir gjørdust kongarnir av danska tónleikahválvinum. Føroyar, gleð teg til The Minds of 99.
Á sumri 2024 spældu teir 3 útseldar konsertir í Parkini. BT gav konsertini 6 av 6 stjørnum. Soundvenue 5 av 6. Politikken 6 av 6. Ekstablaðið 5 av 6. Gaffa 6 av 6.
The Minds of 99 er eitt tað størsta navnið nakrantíð á OY Voxbotn. Talan er kanska um sterkasta danska bólkin nakrantíð, og bólkurin er so avbera aktuellur eisini. The Minds of 99 varð settur á stovn í 2012, og longu 3 ár seinni tendraðu teir Roskilde Festivalin.
Sama hvar bólkurin framførir er útselt.
Bólkurin hevur vunnið eitt ótal av virðislønum. Gaffa, Danish Music Awards og Zulu Awards – bara fyri at nevna nakrar. Millum stóru hittini kunnu nevnast: Under din sne, Ung kniv og Emil.
Fyri at lýsa tónleikin hjá The Minds of 99 eru fleiri, ið hava kallað tað fyri New Age Rock, men eg hugsi vit á føroyskum kunnu semjast um, at hetta er vakur sveimandi popprokkur. Men tað sum serliga eyðkennir bólkin er ljóðið. Teir ljóða heilt einfalt BARA sum The Minds of 99. Ljóðið er egið og sermerkt. Upplyftandi og melankolst í einum.
Bólkurin spælir sum ein vælsmurd tónleikamaskina, uttan tó at ljóða mekaniskt. Tónleikurin sveimar og brúsar í orku og kenslum, meðan løttu, minniligu og gerandisligu tekstirnir syngja um viðurskifti vit kenna okkum aftur í.
Tónlistarlig snúvningsaksa Bólkurin er ein sonn savningsmagnet. Tá tær spæla, tysja fólk saman, og syngja hart og kensluborið við óføru sangunum. Ofta verða konsertinar lýstar sum eitt slag av felagssangi, tí so sterkir eru sangirnir, at tú kanst syngja við frá byrjan til enda. Spennandi verður at vita, um ein bólkur sum kann fáa fjøldir størri enn Føroya land í sanna ekstasu, eisini klárar at spæla Vágsbotn upp. Vit gita, at konsertin við The Minds of 99 verður eitt absolutt hæddarpunkt í 2025.
Á sumri 2024 spældu teir 3 útseldar konsertir í Parkini. BT gav konsertini 6 av 6 stjørnum. Soundvenue 5 av 6. Politikken 6 av 6. Ekstablaðið 5 av 6. Gaffa 6 av 6.
The Minds of 99 er eitt tað størsta navnið nakrantíð á OY Voxbotn. Talan er kanska um sterkasta danska bólkin nakrantíð, og bólkurin er so avbera aktuellur eisini. The Minds of 99 varð settur á stovn í 2012, og longu 3 ár seinni tendraðu teir Roskilde Festivalin.
Sama hvar bólkurin framførir er útselt.
Bólkurin hevur vunnið eitt ótal av virðislønum. Gaffa, Danish Music Awards og Zulu Awards – bara fyri at nevna nakrar. Millum stóru hittini kunnu nevnast: Under din sne, Ung kniv og Emil.
Fyri at lýsa tónleikin hjá The Minds of 99 eru fleiri, ið hava kallað tað fyri New Age Rock, men eg hugsi vit á føroyskum kunnu semjast um, at hetta er vakur sveimandi popprokkur. Men tað sum serliga eyðkennir bólkin er ljóðið. Teir ljóða heilt einfalt BARA sum The Minds of 99. Ljóðið er egið og sermerkt. Upplyftandi og melankolst í einum.
Bólkurin spælir sum ein vælsmurd tónleikamaskina, uttan tó at ljóða mekaniskt. Tónleikurin sveimar og brúsar í orku og kenslum, meðan løttu, minniligu og gerandisligu tekstirnir syngja um viðurskifti vit kenna okkum aftur í.
Tónlistarlig snúvningsaksa Bólkurin er ein sonn savningsmagnet. Tá tær spæla, tysja fólk saman, og syngja hart og kensluborið við óføru sangunum. Ofta verða konsertinar lýstar sum eitt slag av felagssangi, tí so sterkir eru sangirnir, at tú kanst syngja við frá byrjan til enda. Spennandi verður at vita, um ein bólkur sum kann fáa fjøldir størri enn Føroya land í sanna ekstasu, eisini klárar at spæla Vágsbotn upp. Vit gita, at konsertin við The Minds of 99 verður eitt absolutt hæddarpunkt í 2025.
Vælkomin til ein villa veitslu, tá Suspekt fara á pallin. Teir eru hip-hop legendir, sum hava slóað fyri danska nútímans tónleikinum, og nú sleppa vit at dansa til teirra feita tónleik í hjartanum í høvustaðið okkara. Tá Suspekt framførir – tá hoppar tú.
Teir eru kendir sum bad boys í donsku tónleikavinnuni, tí sangirnir snúgva seg um sex, drugs og rock n´roll lívið í Keypmannahavn.
Einaferð vóru tey í Harkaliðnum hildin at vera frek og ónærislig, men teirra sangir eru sum sálmar afturímóti teimum hjá Supsekt. Tey tilkomnu hava hug at rodna eitt sindur tá sangir sum Gonzo verða spældir, men lurtar tú eftir fjøldini, hoyrir tú, at tey duga hvørt eitt orð. Tí Suspekt hoyrir til eitthvørt ball, og OY Voxbotn er eisini eitt risa ball.
Men fyrst og fremst er talan um feitan og stuttliga tónleik. Bólkurin hevur røtur aftur til síðst í 90’unum. Tá vóru teir bara unglingar. Men tað var ikki fyrr enn í nullunum, at bólkurin veruliga slerdi seg fastan á danska tónleikapallinum. Hetta var tá teir í 2003 góvu út útgávuna „Ingen slukker the stars“. Eitt lag á útgávuni eitur „Kinky Fætter“, og hetta lag verður av fjølmiðlum lýst sum lagið, sum tók tað óspilta og óseka úr donskum hip hop tónleiki.
Suspekt broytti sostatt danskan tónleik við at tora at vera grovir og fúlir – og fjøldin elskaði tað. Nú er Suspekt fastur gestir á teimum stóru pallinum í ríkinum, og teir hava samstarva við mongum stórum listafólkum so sum Kendrick Lamar, Lucas Graham, Tessa og øðrum.
Tað verður rimmar veitsla tá teir fara á pallin 28. juni. Lat tí smædna afturhaldni liggja eftir við hús, og geyla við teimum villu, stuttligu og ópassandi sangunum.
Tak dansilagið við tær á OY Voxbotn, tí Goodboys fara at umskapa Vágsbotn til evropiskan náttklubba, tá teir inntaka pallin. Teirra fangandi og melodiski tónleikur hevur brúsað um allan heim, og nú er tað okkara túrur at hoppa við.
Bretarnir báðir Joshua Grimmet og Ethan Shore hava serligar gávur, tá tað snýr seg um at framleiða nútímans popptónleik. Teir hittust í 2014, og byrjaðu at gera tónleik saman. Skjótt gjørdist greitt, at teir høvdu ein heilt serligan tóna saman. Teir spæla House tónleik, sum er melodiskur og dansigóður, og tónleikur teirra hoyrist í náttklubbunum um allan heim.
Goodboys komu brakandi inn á altjóða tónleikapallin við risa hittinum “Piece of Your Heart”, sum teir framleiddu saman við Italsku Meduza. Teir vórðu nomineraðir til eina Grammy virðisløn og lagið klintraði langt uppá hittlistarnar kring allan heim.
Hyggja vit at stroymingstølum teirra, so eru tað ørandi tøl. Samlað hevur bólkurin meira enn 6 mia. stroymingar, og risa hittið “Piece of Your Heart” hevur meira enn 1 mia. stroymingar bara á Spotify. Hetta vitnar um ein óvanligan vælumtóktan bólk.
Bólkurin hevur vunnið fleiri virðislønir fyri teirra tónlistarliga íkast, og útgávur teirra hava selt til platin og gull heitið.
Teir spæla á øllum teimum stóru festivalunum og klubbunum úti í verð, og nú koma teir til Føroya. Goodboys fara at fáa Vágsbotn at danda og hoppa í einum gleðisrómi, sjálvdan sæddur her á landi.
Gleð teg til eina dansiveitslu, tá Goodboys tendrað beatini.
BYRTA er ein sannur puplikumsfavorittur í Føroyum. Har BYRTA spælir, har er sonn veitsla, og í summar framføra tey bara á einum konserttiltakið, OY Voxbotn.
BYRTA er søgan um tvey ólík listafólk, sum finna saman og skapa nakað heilt serligt. Janus Rasmussen er tiltikin innan føroyskan og íslendskan popptónleik, og kanska er tað ikki ov nógv sagt, at Janus ofta verður settur í samband við elektrotónleik. Guðrið Hansdóttir er heilt annað slag av upprunatónleikara, sum vit helst seta í samband við meira aukustiskan singer/songwriter tónleik. Hon er sangskrivari í serflokki, og so er hon eisini sangari av hægstu góðsku.
Saman hava tey skapt eitt konsept, sum bara hittar, hittar og hittar. Øll løg teirra eru føroyskir poppklassikkarar, so tað er ikki hissini veitsla tað verður, tá BYRTA seta futt í OY Voxbotn 2025.
Gylta løtan í OY
Ársins konsert. So avgjørd vóru fleiri, aftaná tvær útseldar BYRTA konsertir í OY í februar mánaða. Eftir at hava verið kvirr í rúma tíð, framførdu tey eina sanna tónlistarliga maktdemonstratión, tá hittini vóru blást út millum mongu gestirnar, til hesa dupultkonsert. Tey framførdu ikki bara tey stóru BYRTA løgini so sum “Loyndarmál”, “Í tínum eygum” “Norðlýsið” og hini, men tey spældu eisini eina superproduktión av 80ara gimsteininum “Stjørnuskot”, o
Saman hava tey skapt eitt konsept, sum bara hittar, hittar og hittar. Øll løg teirra eru føroyskir poppklassikkarar, so tað er ikki hissini veitsla tað verður, tá BYRTA seta futt í OY Voxbotn 2025.
Gylta løtan í OY
Ársins konsert. So avgjørd vóru fleiri, aftaná tvær útseldar BYRTA konsertir í OY í februar mánaða. Eftir at hava verið kvirr í rúma tíð, framførdu tey eina sanna tónlistarliga maktdemonstratión, tá hittini vóru blást út millum mongu gestirnar, til hesa dupultkonsert. Tey framførdu ikki bara tey stóru BYRTA løgini so sum “Loyndarmál”, “Í tínum eygum” “Norðlýsið” og hini, men tey spældu eisini eina superproduktión av 80ara gimsteininum “Stjørnuskot”, o
Ongin er sum TÝR. Bólkurin hevur nærum 30 ár á bakið, og teir gerast bara betri og betri. Teir hava ferðast um allan heim við sínum tónleiki við sterku søgunum um kríggj, kærleika og deyða. Teir hava eitt greitt konsept tá teir framføra, men fyrst og fremst er talan um serstakliga vælspældan metal tónleik.
Tá TÝR fara á pall, sær og hoyrir tú hvussu rutineraðir teir eru. Smálutirnir í tónleikinum sita perfekt, og spæl og sangur verður framført til toppkarakter. TÝR er onkurnsvegna blivið ikoniskt fyri okkum í Føroyum. Tónleikur teirra ber søgur úr fornari tíð við sær, og eisini er bólkurin onkursvegna blivin talsbólkur fyri Føroyar og virðir okkara. Bólkurin byrjaði sína longu ferð við at nýtulka Ormin Langa, og hevur síðani víðariment sítt útrykk til í dag at hava eitt heilt egið norðurmetalliskt ljóð.
Teir hava fjepparar um allan heim og tá teir, beint áðrenn korona legði Føroyar lamnar, framførdu við Føroyska Symfoniorkestrinum í Norðurlandahúsinum, vóru fjepparar úr útlondum enntá komnir til Føroya á konsert. Tað vitnar um, at bólkurin hevur altjóða format.
RSP
Eitt tað størsta navnið í føroyskum tónleiki í løtuni er RSP. Sama hvar teir spæla, so trokast áhoyrarar frammanfyri pallin. Alt teir nerta við verður til hitt, og allar konsertirnar teir spæla gerast til risa ball.
Tú kennir løgini. Tú dugir tekstirnar. Tú elskar at syngja við um at “leggja lortið niður”. Tí eru vit so fegin um at kunna kunngerða, at RSP fara at framføra á Voxbotn OY 28. juni. Bólkurin kann sum fáur fáa lív í eina fjøld, og við teirra frekka og sjarmerandi útrykkið, eru teir sannir favorittar hjá føroyska konsertgangaranum.
Tað var ein sannførandi maktdemonstratión, tá bólkurin varð flogin til Berlin at hita føroysku hondbóltsáskoðararnar upp áðrenn dyst. Við pumpandi tónleikinum settu teir ferð á Berlin. Tá var garrvilt lív í, og tað sást aftur í høllini, tá stuðulin skuldi veitast hondbóltsmonnunum.
Og tað er júst hesin eginleikin, sum ger RSP til perfekta bólkin at spæla á Voxbotn OY. Vit skulu roknað við einari sera lívligari konsert, har vit øll liva okkum inn í teirra stuttliga univers, og vit skrála við teimum ónærisligu tekstunum.
ESTER KRISTIANSEN
Tónlistakvinnan handan fleiri av bestu løgunum í farna áratíggju luttekur á ársins konsertdegi. Ester er púra unik songkvinna, sum hevur serligar gávur at skriva góð og fangandi løg, og hetta sleppa vit at njóta á OY Voxbotn 2025.
Ester Kristiansen kom brestandi á føroyska tónleikapallin í 2014, tá hon útgav frískan føroyskan popptónleik við altjóða dámi. Tað varð beinaveg greitt, at hetta er ein dugnalig listakvinna við nógvm uppá hjarta.
Løg hennara fingu nógva rúmd í lurtunum og á netbornu miðlunum, og Ester var beinavegin innstillað sum “Ársins nýggja navn” til FMA.
Tónleikurin bar hana á allar pallar í Føroyum, og var hon eisini boðin við í íslendska sjónvarpskapping.
Løg sum “Elska teg”, “Hann eg kenni” og “Hjarta títt” hava ein sera nútímans elektroniskan tóna, meðan nýggjari løgini, sum til dømis “Fívil” og “Aftur til tín” leita meira til tað akustiska útrykkið. Hetta vitnar um eina tónlistakvinnu sum fevnir víða, og sum mennist í heilum. Men felags fyri tónleikin er frálíkir melodiir, viðkomandi tekstir og einastandandi røddin hjá Ester.
Tá Ester framførir hevur hon fjøldina í sínum lógva. Hon dugir so avbera væl at bera eina framførslu, so vit øll kenna okkum aftur í tónleikinum.
Gleð teg tí, til eina dragandi løtu, tá Ester tekur pallin á OY Voxbotn 2025.
LÍV OG TRÓNDUR
Hvat fært tú, um tú setir saman tvey fitt og gávað menniskju úr ávikavist Fuglafirði og Tvøroyri saman? Svarið er, at tú fært eitt tónlistarligt útrykk, sum smeltar øll hjørtu, og ger teg til eitt betri menniskja.
Á OY Voxbotn verður gjørt nógv burturúr, at geva føroyingum høvi at spæla á stóra konsertdegnum. Tí er tað ein fragd at kunngera, at Lív & Tróndur hava vátta at spæla á OY Voxbotn 2025.
Tey eru bara hugalig at líða á. Eygagóða sangparið hevur í áravís ferðast land og ríkið upp og niður, og hava rúnarbundið okkum við teirra fagra ljóðið. Tey skriva og framleiða vakran og lívligan fólkapopp tónleik, og tulka og týða eisini nógvan útlendskan tónleik.
Á enskum er eitt útrykk sum eitur “match mede in heaven”, og man hetta hóska sera væl til at lýsa duettina, vit øll elska. Bæði tvey hava framført undir egnum navni. Lív gjørdist fólkaogn, tá hon sang saman við Niels Midjord sála, og hennara mjúka, fagra rødd var ógviliga nógv at hoyra í lurtunum.
Somuleiðis hevur Tróndur framført í mong, mong ár, og kanska minnast vit serliga væl hansara tulking av lagnum “Á kundi á tíðarhavi”, sum varð útgivin í nýggjum hami.
Men saman eru tey ein heilt onnur hittmaskina. Størsta hitt teirra er helst lagið “Lítli Fuglur”, sum óivað verður at hoyra á OY Voxbotn í summar.
Í fjør útgóvu tey summarliga lagið “Reasons Unknown”, sum við sínum løttu raggearútmum fer at rigga avbera væl í Vágsbotni.
Gleð teg til eina vakra og gylta løtu við Lív & Tróndi, tá tey trína á pallin á OY Voxbotn 2025.
bottom of page